1944 сыллаахха ыам ыйын 16 күнүгэр «Саҥа Олох» оройуоннааҕы хаһыаппыт бастакы нүөмэрэ Кэбээйи сэлиэнньэтигэр 433 тираастаах тахсыбыта номнуо 80 сылын туолла. Оччотооҕу хаһыат эппиэттиир редакторынан Л.И.Бушуев үлэлээбитэ.

1963 сыллаахха алтынньы ый 27 күнүгэр «Ленинец» хаһыат маҥнайгы нүөмэрэ нууччалыы тылынан тахсыбыт. Редактор В.В.Калашников. Кэлин икки тылынан тахсар буолбута.

1993 сыл от ыйын 1 күнүгэр 77 (6241) нүөмэрдээх хаһыат «Дабаан» ааттаах икки тылынан тахсыбыт. Редактор И.А.Семенов.

Ол кэннэ улууспут хаһыата бу кэм устата нууччалыы-сахалыы икки тылынан тахсан, улуус социальнай-экэнэмиичэскэй олоҕун сайдыытыгар бэйэтин кылаатын киллэрсэн, нэһилиэнньэ информацияҕа наадыйыытын толору хааччыйан, айымньылаахтык үлэлээн кэллэ.
Т.Е.Сметанин аатынан улуустааҕы библиотека аатыттан хаһыат редакциятын, суруналыыстарын, типография үлэһиттэрин улууспут хаһыата тэриллибитэ 80 сыллаах Үбүлүөйүнэн эҕэрдэлиибит! Эһиги улуус олоҕун кэрэһитэ буолаҕыт, олоххо буолар сонуннары суруйаҕыт, кэрэхсэбиллээхтик сэһэргиигит, туохха да тэҥнэммэт үлэни толороҕут!
Ааҕааччыларгыт, бар дьоҥҥут-сэргэҕит махталын ылаҥҥыт, онон кынаттанан өссө да үрдүктэн үрдүк ситиһиилэниҥ, сонуҥҥут дэлэйдин, айар-сырдатар эйгэҕит кэҥээтин, ааҕааччыгыт элбии турдун!
Поделиться ссылкой: