25.04.2024

Айымньылаах үлэ. САССР 100 сылын көрсө

Перевод статьи

«Төрөөбүт тылгынан аах» диэн республикатааҕы научнай практическай онлайн конференция САССР 100 сылын көрсө педагогтарга, студеннарга, үөрэнээччилэргэ анаан буолан ааста. СР культуратын министерствота, СР Национальнай библиотеката, СР НБ оҕо ааҕар киинэ, «Чуораанчык» оҕо сурунаала кыттыһан тэрийдилэр.

«Ноотуу» – мин сөбүлүүр кинигэм» диэн тиэмэнэн биһиги нэһилиэкпититтэн И. Е. Левин аатынан Танара орто оскуолатын үөрэнээччитэ Юлиана Стручкова кыттан 2 миэстэ буолла. Оҕо ийэтэ, эдэр специалист Афанасьева Варвара Николаевна идэтинэн библиотекарь. Бэлэмнэнии үлэтэ мин хараҕым далыгар ааспыта. Ол курдук, тиэмэни талыыга сүбэлэспиппит, олохтоох автор үлэтигэр сүрүн болҕомтобутун туһаайбыпппыт.

Юлиана библиотекаҕа сылдьарын тухары фонданы хасыһааччы, ити этэрин курдук, Кэбээйибит улууһун кинигэлэрин нэһилиэгинэн, сылларынан тыыран бу сайын анал тематическай долбуур оҥорбуппут. «Мукучу бэчээккэ» диэн библиографическай үлэҕэ туһалаабыта. Дьэ, ол долбууртан талан ылан бэлэмнэнии үлэтэ саҕаламмыта. Оҕо күн аайы үөрэнэр кыһатыгар үлэлиир учууталын кинигэтин илиитигэр ылан ааҕаат да, истиҥник ылыммыта. Үөрэҕин кэнниттэн кэлэн библиотекаҕа дьарыктанара: иһигэр, онтон таһыгар дорҕоонноохтук ааҕа, лиистэрин арыйан бэрт сөбүлээбит харахтарынан көрө олорор буолара.

Итинник дьарыктана сылдьар кэмигэр өрөмүөн үлэтэ саҕаламмыта. Былаан быһыытынан ааҕар дьиэҕэ видеоҕа уһуллуохтааҕа сатамматаҕа. Аны НПК буолар күнүгэр нэһилиэкпитигэр уот барара биллибитэ, онон оҕо кыттар матырыйаалын ийэтэ видеоҕа эрдэ устан ыыппыта. Баар ыарахаттары аахсыбакка туран, дьиэ, тустаах үлэ түбүгүн быыһыгар Варвара Николаевна бэрт дьаныһан туран бэлэмнээбитэ.

Оҕо уйулҕатын туппут кинигэ автора айымньыга бэйэтин кыра эрдэҕинээҕи сааһын ойуулаабыт. Үөһэ этиллибитин курдук, кини – учуутал, саха тылыгар уонна литературатыгар үөрэтэр, куруһуогу салайар, биһиги айымньылаах ааҕааччыбыт Светлана Николаевна Самсонова – Сиибиктэ буолар. Бу бэртээхэй кинигэ «Бичик / Айар» кинигэ кыһатыгар күн сирин көрбүтэ. Кыра ааҕааччыбыт ити буктрейлеригэр этэрин курдук, ааҕыҥ, билсиҥ, сэҥээриҥ диэн ыҥырабыт.

Юлиана, бастакы ситиһиигиттэн үөрэбит! Айымньылаах үлэҕэ сыстан иһэргэр баҕарабыт.
НПК тэрийэр уонна кыттарга көҕүлүүр (улуус киин библиотекатын методиһыгар Иванова Е.М.) дьоммутугар махталбытын тиэрдэбит.

Им И.Н.,
Мукучу модельнай библиотекатын
сэбиэдиссэйэ, суруналыыс.
29.11.2021 сыл

Поделиться ссылкой:

Авторизация
*
*
Регистрация
*
*
*
Пароль не введен
Генерация пароля
Продолжая использовать наш сайт, вы даете согласие на обработку файлов cookie, пользовательских данных (сведения о местоположении; тип и версия ОС; тип и версия Браузера; тип устройства и разрешение его экрана; источник откуда пришел на сайт пользователь; с какого сайта или по какой рекламе; язык ОС и Браузера; какие страницы открывает и на какие кнопки нажимает пользователь; ip-адрес) в целях функционирования сайта, проведения ретаргетинга и проведения статистических исследований и обзоров. Если вы не хотите, чтобы ваши данные обрабатывались, покиньте сайт.

(требование ФЗ №152. Статья 9 "Согласие субъекта персональных данных на обработку его персональных данных")
Принять