Мукучу нэһилиэгэр «Биһиги дойдубут Россия» диэн онлайн тэрээһини кииннэммит библиотека 10 №-дээх филиала социальнай партнердарын кытта кыттыһан ыытта.
Күн чэрчитинэн Мукучутааҕы модельнай библиотека «Россия наша родина» диэн кинигэ быыстапкатын тэрийдэ.
«День России: история, традиции» диэн кылгас иһитиннэрии оҥордо. Россиябыт сүрэҕиттэн – Москваттан суруйааччы, биир дойдулаахпыт Владимир Николаевич Федоров эҕэрдэтин кытта ааптар тус айымньытыгар «Созвездие Марии» спектальга баар ырыа аудиозапиһын ыытта.
Гимназистар иитэр завуч Софронеева М.Н. салайыытынан «Книги про Россию» челлендж оҥордулар.
«Песни о Родине» диэн бэрт сэргэх музыкальнай викторинаны Оҕо кэрэ эйгэтин оскуолатын (салайааччы Степанов Р.К.) коллектива көҕүлээтэ. 28 ыйытыыга толору эппиэттэри биэрэн кыайыылааҕынан ааҕааччы, «Кэнчээри» оҕо саадын үлэһитэ Иванова Анастасия Егоровна буолла. «Ааҕар Мукучу» түмсүү чилиэнэ Марина Кычкина-Ситим Кут саҥа тахсыбыт «Күн суолунан» (хоһооннор) кинигэтин бэлэх
тутта.
Ити курдук, нэһилиэккэ Россия күнүн дьиэҕэ да олордоллор, мукучулар өрө көтөҕүллэн бэлиэтээтилэр.
Ааптар: Ия Им
Поделиться ссылкой:
