СӨ култуура, Кэбээйи улууһугар Олоҥхо,
олоҥхоһут Куоҕас Уйбаан төрөөбүтэ 120 сылларыгар ананар
Урут уруккуттан 1 Лүүчүн нэһилиэгэ туруу үлэһит дьонноох сиринэн биллэр. Биһиги дьиэ кэргэн үөрэхпитин бүтэрээт даҕаны, Баҕадьа оскуолатыгар ананан үлэбитин саҕалаабыт үтүөкэн дойдубут буолар.
Олоҥхо ыһыаҕар бэлэмнэниигэ туһаайыллыбыт сыалы толороору, “КЭБЭЭЙИ улууһа ОЛОҤХО эйгэтигэр” диэн толкуйдаммыт бырайыагы социальнай парнердарбытын, айар талааннаах дьоммуту кытта олоххо киллэрээри Баҕадьаҕа туруннум.
«Бүдүрүйбэт сүһүөхтээх Мүлдьү Бөҕө» олоҥхону ааҕыыны оскуола библиотекара, олоҥхо эйгэтин тарҕатыыга, иҥэриигэ ылсыһан үлэлээбитэ ырааппыт Михайлова В. В. иилээн-саҕалаан тэрийдэ. Оруоллары сөптөөх дьону таҥан бэлэмнээбитэ, эрчийбитэ. Биһиэхэ сүбэһиппитинэн Адамова С.С. буолар. Ыраах, чугас баар дьоннор уопсай сыалбытын холбооммут үлэлии сылдьабыт.
Техническай өттүгэр ИТ киин Мукучу специэлиһэ Андреев А. В. саҕаланыаҕыттан бүтүөр диэри үлэлээтэ.
Олохтоох нэһилиэк библиотекара, баай опыттаах киһибит Андреева Д. А. олоҥхоһут И. А. Николаев — Куоҕас Уйбаан олоҕун, айар үлэтин, үтүө аатын үйэтитэр үлэлэри сырдатта.
Кыраайы үөрэтэр ис хоһоонноох музей (түмэл) туһунан оскуола дириэктэрэ Алексеева М. А. кэпсээтэ.
1 Лүүчүн нэһилиэгин баһылыгар Григорьев С. С. массыынанан хааччыйбытыгар махтанабыт.
Ити курдук, Олоҥхо эйгэтэ барыбытын сомоҕолуур. Им И.Н., Мукучу модельнай библиотекатын сэбиэдиссэйэ, бырайыак автора, Россия суруналыыстарын союһун Кэбээйи улууһунааҕы бастакы сүһүөх тэрилтэ бэрэссэдээтэлэ.
Поделиться ссылкой:
