Өрөспүүбүлүкэтээҕи «Олонхону уһун тыыннаах ааҕыы» марафон бэһис төгүлүн ыытыллынна
От ыйын 4-5 күннэригэр Кэбээйи с. Уһун Хонууга, 19-с «Үс өрүс тардыылаах, уу чалгый куттаах Кэбээйигэ – Саха Сирин тэбэр сурэҕэр» өрөспүүбүлүкэтээҕи Олонхо Ыһыаҕын чэрчитинэн “Олонхону ааҕыы” туһулгэҕэ 5 төгүлүн «Олонхону уһун тыыннаах ааҕыы» марафон Кэбээйи улууһун түөлбэтин олонхотун үс тылынан ааҕыылара аастылар, ол курдук, И. А. Николаев – Куоҕас Уйбаан «Бүдүрүйбэт сүһүөхтээх Мүлдьү Бөҕө», Попов А. С. – Муотаан «Бэриэт Бэргэн» (И. Г. Попова нуучча тылыгар тылбааһа), Д. В. Кривошапкин – Нимкалан П. Ойуунускай «Дьулуруйар Ньургун Боотур» олонхотун эбээнни тылга тылбааһын көхтөөх ааҕыы буолла.
Икки күн уопсайа 101 киһи кыттыыныц ылла, от ыйын 4 күнүгэр И. А. Николаев – Куоҕас Уйбаан «Бүдүрүйбэт сүһүөхтээх Мүлдьү Бөҕө» олонхотун ааҕыыта буолла, манна 43 киһи аахта. Бастакы күн ааҕыыны саҕалаатылар Иван Афанасьевич – Куоҕас Уйбаан биир дойдулаахтара Кэбээйи улууһун Баҕадьа нэһилиэгин олохтоохторо.
От ыйын 5 күнүгэр сарсыарда 10 ч. Д. В. Кривошапкин – Нимкалан П. Ойуунускай «Дьулуруйар Ньургун Боотур» олонхотун 12 киһи кыттыылаах эбээннии тылга тылбааһын ааҕыыта саҕаланна. Сэбээн-Күөлтэн, Сиэгэн – Күөлтэн, Батамайтан кытыннылар.
Попов А.С. – Муотаан «Бэриэт Бэргэн» олонхотун Ираида Попова нуучча тылыгар тылбааһын ааҕыыта ааста. 21 киһи кытынна. Ираида Попова ааҕыы иннинэ киирии тыл эттэ. Ааҕыыны саҕалаатылар Афанасий Степанович – Муотаан биир дойдулаахтара Сииттэ нэһилиэгин олохтоохторо. Бу кэннэ П.Ойуунускай «Дьулуруйар Ньургун Боотур» олонхотун аһаҕас ааҕыыта биллэрилиннэ онно уопсайа 25 киһи эбии аахта.
«Олонхону ааҕыы» түһүлгэтигэр А.Н.Жирков, Ил Түмэн бэрэссэдээтэлин бастакы солбуйааччыта, Местников С.С., Саха Өрөспүүбүлүкэтин бэрэссэдээтэлин солбуйааччыта, А.И.Ноев, Култуура миниистэрэ маанылаах ыалдьыт буоллулар.
Икки күн Олонхо ааҕыытыгар кытыннылар өрөспүүбүлүкэ бары кэриэтэ улуустарыттан: Чурапчыттан, Амматтан, Бүлүүттэн, Орто Халыматтан,Нерюнгриттан, Горнайтан, Намтан, Мэҥэ Хаҥаластан, Эдьигээнтэн, Оленексайтан, Хаҥаластан, Тааттаттан, Дьокуускай к., Үөһээ Бүлүүттэн, Ленскайтан, Уус-Майаттан, Уус-Алдантан, Мирнэйтэн, Өймөкөөнтөн.
Кэбээйи улууьун култууратын салалтатын салайаччыта Алексеев Илья Николаевич «Олонхону уһун тыыннаах ааҕыы» марафон бэлиэтин Ленскэйдээҕи оройуоннай култуура салалтатын салайааччытыгар Капралова Жанна Михайловнаҕа үөрүүлээхтик туттарда.
Майя Обутова, кыраайы үөрэтэр салаа сүрүн үлэһитэ
Т.Е.Сметанин аатынан Кэбээйитэҕи улуустааҕы библиотека
Поделиться ссылкой:
