25.04.2024

Олунньу 13 күнэ

Төрөөбүт тыл уонна сурук-бичик күнэ

Саха Сирин бастакы Президена М.Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, С.А. Новгородов төрөөбүт күнэ – олунньу 13 күнэ – Төрөөбүт тыл уонна сурук-бичик күнүнэн биллэриллибитэ.

Бу Күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах.

Бу Күн араас үөрэх кыһаларыгар, культура кииннэригэр, библиоекаларга төрөөбүт тылга аналлаах араас тэрээһиннэр ыытыллаллар. Республика үрдүнэн, 3 кылаастан 8 кылаас үөрэнээччилэригэр үгэс буолбут «Таптыыр Сахам тылынан» диэн сахалыы дьыктаан акцияҕа Кэбээйи улууһа кыттыыны ылла. Ол курдук 14 площадка тэриллэн, барыта 132 оҕо кыттыыны ылла. Ону таһынан аныгы үйэ ирдэбилинэн, интернет нөҥүө онлайн форматтаах эмиэ ыытылынна. Онно уопсайа 139 эппиэт киирдэ. Холбоон улуус үрдүнэн, икки форматынан 271 оҕо кытынна. Бу былырыыҥҥы көрдөрүүттэн 12 оҕонон үрдүк буолла.
Төрөөбүт тыл – норуот уhун кэмҥэ олорбут олоҕун устуоруйатын тыыннаах кэрэhитэ буоларын бука бары өйдүүбүт эрээри, сайдыы-үүнүү содула тылы сүтэрэн, симэлитэн эрэрэ кистэл буолбатах. Бу маннык кэмҥэ оҕо-аймах, төрөппүт уонна учуутал Төрөөбүт тылы, үгэһи үөрэтэрэ олус кэрэхсэбиллээх суол.
Кыттыыны ылбыт үөрэнээччилэрбитигэр, кылаас салайааччыларыгар уонна тэрийээччилэрбитигэр истиҥ махталбытын тиэрдэбит, аныгыскы көрсүһүүгэ өссө элбэх буолуохха диэн ыҥырабыт.

Оҕо библиотекатын үлэһитэ
Л.Г.Попова

Поделиться ссылкой:

Авторизация
*
*
Регистрация
*
*
*
Пароль не введен
Генерация пароля
Продолжая использовать наш сайт, вы даете согласие на обработку файлов cookie, пользовательских данных (сведения о местоположении; тип и версия ОС; тип и версия Браузера; тип устройства и разрешение его экрана; источник откуда пришел на сайт пользователь; с какого сайта или по какой рекламе; язык ОС и Браузера; какие страницы открывает и на какие кнопки нажимает пользователь; ip-адрес) в целях функционирования сайта, проведения ретаргетинга и проведения статистических исследований и обзоров. Если вы не хотите, чтобы ваши данные обрабатывались, покиньте сайт.

(требование ФЗ №152. Статья 9 "Согласие субъекта персональных данных на обработку его персональных данных")
Принять