Ыам ыйын 27 күнэ – Арассыыйаҕа бибилэтиэкэ күнэ. Бу күнү көрсө Т.Е. Сметанин аатынан Кэбээйи улуустааҕы, Г.Г. Кобяков аатынан Кэбээйитээҕи модельнай, Калининнааҕы олохтоох бибилэтиэкэлэрэ, М.П. Тимофеева оҕолоро, сиэннэрэ Улуу Кыайыы 80 сылыгар, дьиэ кэргэн уонна библиотека күнүгэр, Кэбээйи улууһун бастакы библиотекара Матрена Петровна Тимофеева төрөөбүтэ 95 сылыгар анаан ыыппыт “Тимофеевскай ааҕыылар – 2025” күрэх түмүгүн таһаараллар.
Матрена Петровна 16 cааһыттан Кэбээйи библиотекатыгар үлэтин саҕалаабыта, бу идэни талан сөбүлээн бэриниилээхтик үлэлээбитэ. Библиотекарь быһыытынан нэhилиэккэ араас өрүттээх сырдатар үлэни ыытара, олохтоох радио биэриилэрин таhаарара, дойду историятын уонна олоҕун кэпсиирэ, суруйааччылар үлэлэрин билиhиннэрэрэ, кинигэни ааҕыыны сайыннарарга улахан болҕомтону уурара. Кэбээйи улууhугар библиотеката тэриллибитэ 70 сылыгар улуустааҕы киин библиотека көҕүлээhининэн, Матрена Петровна Тимофеева аатын үйэтитэр, кинигэ ааҕыытын көҕүлүүр сыаллаах 2008 сылтан “Тимофеевскай ааҕыылар” тэриллэн ыытыллаллар.
Быйылгы 2025 сыллаах күрэх 4 араас бөлөҕүнэн ыытылынна. Ааҕыыга уопсайа 40 кыттааччы кыттынна.
Поделиться ссылкой:
